找回密碼
 會員申請
搜索
熱搜: 活動 交友 discuz
查看: 3062|回復: 12

求助!關於內地升學

[複製鏈接]
發表於 2007-6-29 21:26:20 | 顯示全部樓層 |閱讀模式
我想問下有冇人
有內地大學既排名
仲有佢地o黎香港招生既時間
發表於 2007-6-30 03:28:25 | 顯示全部樓層
我只知每年廣州間暨南一定會請香港生 質素亦唔差
但要讀4年
回復

使用道具 舉報

發表於 2007-6-30 11:16:54 | 顯示全部樓層
原帖由 AirKID 於 2007-6-30  03:28 AM 發表
我只知每年廣州間暨南一定會請香港生 質素亦唔差
但要讀4年

港澳生素質好麻麻..風氣好差.......就真...

[ 本帖最後由 Gavin 於 2007-6-30  11:23 AM 編輯 ]
回復

使用道具 舉報

發表於 2007-6-30 11:17:51 | 顯示全部樓層
通常都係3~4月報名呱..
你想讀咩先...
排名...好難講
其實...聯招既話直接問佢收生分數線好過
回復

使用道具 舉報

 樓主| 發表於 2007-6-30 12:35:35 | 顯示全部樓層
咁我想問下
有邊幾間內地大學有提供
聯招預備班課程
因為我唔係咁係廣州呢邊讀
即係暨南,華大果幾間
回復

使用道具 舉報

發表於 2007-6-30 14:07:22 | 顯示全部樓層
原帖由 企鵝 於 2007-6-30  12:35 PM 發表
咁我想問下
有邊幾間內地大學有提供
聯招預備班課程
因為我唔係咁係廣州呢邊讀
即係暨南,華大果幾間
哩兩間...比錢考就入到嫁啦...
其他個D.....你試下搵PAST PAPER自己做啦?
回復

使用道具 舉報

 樓主| 發表於 2007-6-30 17:00:46 | 顯示全部樓層
咁大家知唔知道
邊幾間agent公司
係有做返大陸讀大學架
可唔可以留佢地D電話俾小弟問下
回復

使用道具 舉報

發表於 2007-6-30 22:05:16 | 顯示全部樓層
原帖由 Gavin 於 2007-6-30  11:16 AM 發表

港澳生素質好麻麻..風氣好差.......就真...



以我在UK所見
國際視野方面...
內地生比港澳生仲差好遠..
始於呢d由細培養ge..
回復

使用道具 舉報

發表於 2007-6-30 22:14:43 | 顯示全部樓層
原帖由 HackerWong 於 2007-6-30  10:05 PM 發表



以我在UK所見
國際視野方面...
內地生比港澳生仲差好遠..
始於呢d由細培養ge..

我指既係暨大入面既風氣...
特指暨大
班友真係唔係讀書..
回復

使用道具 舉報

 樓主| 發表於 2007-6-30 22:52:25 | 顯示全部樓層
原帖由 HackerWong 於 2007-6-30  10:05 PM 發表



以我在UK所見
國際視野方面...
內地生比港澳生仲差好遠..
始於呢d由細培養ge..

我想問下
你係uk果邊讀business既大學
可以靠foundation入既大學
邊間會好d呀
回復

使用道具 舉報

發表於 2007-6-30 23:49:58 | 顯示全部樓層
你所提及哥兩間真係唔建議你入.
回復

使用道具 舉報

發表於 2007-7-8 19:21:21 | 顯示全部樓層
原帖由 企鵝 於 2007-6-30  10:52 PM 發表

我想問下
你係uk果邊讀business既大學
可以靠foundation入既大學
邊間會好d呀


我建議你去college讀foundation再入uni
d uni會好d質素

of cuz...視乎間college同邊d uni結盟la..
回復

使用道具 舉報

發表於 2007-9-23 22:34:18 | 顯示全部樓層

轉載

首先,有志於到內地讀大學必須報考「中華人民共和國普通高等學校聯合招收華僑港澳地區及台灣省學生考試」,考試時間大概係每年六月(具體時間當年決定),報名時間通常為每年三月。報名地點為香港考評局或香港中旅社各分店。而報名資格為中六學歷或就讀「聯招考試」預備班。如果你係07年會考既,咁你只可以報考08年既「聯招」。

其次,考試科目為:

文科考試科目:中文、數學、歷史、地理、英語
理科考試科目:中文、數學、物理、化學、英語
各科满分均為150分,全部總分為750分。

數學相信係當中最難既,我諗大家都唔好花時間係數學度,我CE 數學攞 D ,讀左一年預備課程,到考試個陣都係乜都唔識,撞完 mc就走喇。歷史係包括中史同西史,我淨係學過中史,覺得中史比較簡單同會考差唔多啦,當然我 CE 中史攞 B 嘅。西史我未學過,所以比較唔到。地理考個啲完全係中一至中三既野,但小心淺水浸蛟龍。英文就唔使講啦。中文就包括文學在內,但攞合格都唔係問題。

另外,香島專科學校有開辦「聯招考試」預備課程。個人覺得「聯招考試」比較簡單,自修都得,但讀呢個課程既好處係可以得到好多內地大學既資料,呢點對入讀內地名牌大學好重要,可以增加大家入讀內地名牌大學既機會。而且香島亦會不時舉辦有關內地升學既講座,大家可以留意。當然如果只係想報暨大同華大既兩校聯招就無必要報呢個預備課程。

此外,「聯招」將內地大學分為兩個批次,大部份內地名牌大學都屬於第一批次,但「聯招辦」規定第一批次既大學收生分數唔可以低過400分。而第二批次入面大學既名氣差距好大,有啲第二批次既大學比第一批次既大部份大學都要出名,學術地位唔比中山大學、中國政法大學等遜色。例如中國醫科大學、西南政法大學、哈爾濱工程大學等等,所以大家選擇第二批次既大學時要小心!而「聯招辦」就規定第二批次既大學收生分數唔可以低過300分。

係「聯招」報名既時候,需要填報選校志願。每個批次可以填報兩間大學,每間大學可以選擇四個學科。但填報志願後就唔可以更改,所以大學選校時要小心、謹慎。

再次,大學既收生分數因各間大學而異,但佢地睇既只係「聯招」既總分,某些科目合唔合格係唔會影響佢既收生。中山大學係華南地區最高學府,佢既收生分數都幾高,收450。其實國內好多名牌大學都只係收400分,例如,法律為主既中國政法大學、排名比中山仲高既武漢大學同吉林大學、師範類既華中師範大學等等。個人認為無必要報中山大學,我同我啲同學討論過,中山大學除左醫學院係國內頂尖之外,其它學科都無乜特別。大家應該根據想讀學科既國內排名和地位嚟決定想報既大學。係度我就舉例一下,如果想讀法律既中國政法大學、西南政法大學都係國內頂尖既法律系大學;讀歷史既就有北京師範大學、南京大學、四川大學;讀中醫既有北京中醫藥大學、廣州中醫藥大學……

學費方面,由於中央既優惠政策,香港人既學費係同內地學生一樣,一年學費連宿舍費唔使一萬蚊。以我為例,今年既學費只係四千幾蚊,宿舍費都係一千幾。加埋都係六千多啲。另外,國家仲為香港人特別設立獎學金,一等獎學金有四千蚊,內地大學讀書既學費仲平過中四、五既學費。

教學語言方面,國內大學大部份既學科都係用國語教,只有少部份用英文。香港學生並唔會有任何教學語言上既優惠。但大家唔使咁擔心,我最初都係唔識講國語既,過左半年左右已經可以適應到,而家聽同講都問題已經冇問題。

此外,國內大學有好多唔同既專有名詞,例如211工程、985工程、全國重點大學、省重點大學、教育部直屬大學、省屬大學。我諗大家都會覺得好陌生,有啲人會覺得211工程或985工程就代表間學校好。其實呢個係大家既錯誤理解,211工程同985工程代表國家重點扶植大學,每年投入既資金都會較多。但咁樣唔代表佢係內地既地位或影響會比其它入唔到呢啲工程既大學好。以重慶大學為例,佢係211工程同985工程既大學,但佢係國內既名聲比唔係211亦唔係985既西南政法大學差好多。因為進入211工程既因素有好多,並唔係單純根據學科既實力,仲會考慮大學學科既數目、學校既面積、學生人數、圖書數量等無關痛癢既因素。所以大家唔好以為211工程就代表好。其實個人覺得全國重點大學和個別科目既全國重點學科更能代表學校既水平,大家可以以此作為根據。而且全國重點大學屬於「高考」重點分數綫之上,學生質素同師資都有保證,國內既地位亦較高。當然,211工程、985工程代表投入既資源會較多,對於學校既發展會比較有利。

學歷承認方面。截至2006年,中國已經同26個國家訂立互認學歷學位協議。包括英國、法國、澳洲、新西蘭、德國等。因此並唔存在係中國獲得既學歷國際上唔獲承認或只承認幾個頂尖大學既問題。而內地同香港亦已簽訂學歷互認協議,但只在學術方面承認,即持有內地大學學位可報考香港各大學既研究生。

此外,有啲大學宣稱唔使經過「聯招」,修讀一個課程合格之後可以進入大學就讀。根據我個人既理解,只係進入該大學既成人教育學院,並唔係大學本部。就類似於香港大學既校外進修學院,而唔係香港大學本部。係學歷上同本部所頒發既有差距。而且,國家教育部只批准北京大學、清華大學、中山大學、復旦大學、暨南大學、華僑大學、汕頭大學 (長江藝術與設計學院及長江新聞與傳播學院) 七所大學有獨立招生權,可以唔經「聯招」獨立招收香港人,其它既大學根本無權唔經「聯招」而獨立招收香港學生。所以進入內地大學只有「聯招」,呢個係唯一既途徑。
回復

使用道具 舉報

您需要登錄後才可以回帖 登錄 | 會員申請

本版積分規則

Archiver|手機版|小黑屋|HKCM

GMT+8, 2024-3-29 16:49 , Processed in 0.029267 second(s), 16 queries .

Powered by Discuz! X3.5

© 2001-2023 Discuz! Team.

快速回復 返回頂部 返回列表