Football Manager & Championship Manager, HKCM Forum 香港FM & CM官方球迷網討論區

 找回密碼
 會員申請
搜索
熱搜: 活動 交友 discuz
樓主: JohnTerry

我的領隊人生

[複製鏈接]
 樓主| 發表於 2006-2-5 19:41:38 | 顯示全部樓層
2005年8月16日
非聯賽南組第二場

Hayes VS Maidenhead United

我決定稍為改一改變陣容,不過一樣獲得勝利。不過這場勝利並非容易得到。上半場主隊機會遠多於我們,不過夏利遜既神勇表現令我們半場不失。

下半場,形勢大變,47分鐘,曲基左路傳中,尼高斯順勢飛頂破網!先領先,3分鐘後,格蘭長傳,羅賓遜扭過對方後衛單對單,佢既射門雖然被救但尼高斯補中。5分鐘內梅開二度,呢兩球令我地下半場完全控制戰局,對方毫無還擊能力!

講真剩贏兩球我有d唔夠喉,不過算啦!第二場勝利。

Hayes(4-4-2): Davies; Salusbury, Dennison, Williams, Jeffery; McKenna, Scott, Goulding, Ellis; Warner, Knight

Maidenhead (4-4-2) Harrison; Stamp, Dawson, Cunningham, Parsons; Barnett(Traynor 70”), Grant, Glynn, Cook(Hughes 70”), Nicholls, Robinson(Roberts 76”)

Final Score: Hayes 0-2 Maidenhead
MoM: Mark Nicholls

2005年8月18日
麻煩既拜拿特又再拜訪我地,今次佢開出£20,000,不過竟然有£18,000要等佢入左40球先俾。佢當我地傻架,點等一個後衛入40球呀!唔好以為我地淨係睇價錢先得架!拒絕!

哥連搵左閘行動搵到一個被巴拉福特的中堅但可踢左後衛的胡禮(Jake Wright),巴拉福特已同意免費放走他,不過佢本人冇黎傾已經書面拒絕了我們。始終非聯賽南組好難吸引到其它球會= =。

我去聯絡阿仙奴領隊雲加提出借用已經被掛牌的S. 拿臣(Sebastian Larsson)。雖然佢來投機會不大,不過借既話都應該有一定機會,而且佢周薪只係£90。我地絕對負擔得起。

"是雲加嗎?" 可以同阿記領隊通話,感覺好特別!

"我係...........你"

"我係Maidenhead領隊丹尼爾.辛斯,我今次打黎係希望借用你地既S.拿臣,我地球會會包哂佢既周薪,你意下如何?"

"好啦!咁我通知佢同你傾!多謝你對我地球員有興趣,希望下次再有機會合作。"

"好!"

果然係英超領隊,特別識講野= =。而家希望S.拿臣肯黎啦。

2005年8月20日
非聯賽南組第三場

Maidenhead United VS Weston-Super-Mare

賽前我叫基斯特別釘緊對方既McKeever,佢算係有d名氣,雖然佢已退步不少不過佢既速度仍然係一個問題。果然上半場佢毫無表現,不過弊在我地都係咁。本來控制戰局但入唔到波,羅賓遜失去唔少機會。

下半場仍然冇改變,不過一次機會足以致命。74分鐘,拉姆辛右路傳中,羅賓遜頂後,後上入攝的格蘭勁射掛網。雖然表現一般,不過總算得到三連勝。

Maidenhead(4-4-2): Harrison; Kersey, Dawson, Cunningham, Parsons; Rasmussen, Grant, Tomlinson(Hughes 65”), Smyth(Traynor 70”); Nicholls, Robinson(Roberts 80”)

Weston-Super-Mare(4-4-2): Walker; Brown, Lewis, Hawkins, Hogg; French, Rose,  Bailey, McKeever; Robertson, Northmore

Final Score: Maidenhead 1-0 Weston-Super-Mare
MoM: Tony Grant

賽後,一位記者走黎問我問題。

“Maidenhead領隊,唔好意思,可唔可以花d時間做個訪問。呀…………”

我望住佢,竟然係係酒吧遇到果位美女。

佢先係驚訝,然後轉為微笑:
“先生,有冇時間做個訪問呢?”

“呃,可以。”我不知幾想同你傾計呀!

“多謝你肯抽出寶貴時間,咁首先,頭三場都贏波,你有咩感想?有冇信心可以keep到?”

“好開心,我對球隊表現非常滿意。我覺得球隊絕對可以保持呢個狀態。”

“新加盟既格蘭同尼高斯都有唔錯表現,你有咩感想?”

“其實我都預料到,尼高斯係友誼賽中已經證明佢既實力,格蘭本來就係我地既leader,技術最高既就係佢。”

“保羅羅賓遜連續三場都冇波入而且經常失機,你會唔會對佢失去信心?”

“唔會,我相信佢遲早會入波,而且佢做左好多助攻。好似今日場波咁,多得佢助攻俾格蘭,我地先可以贏。”

“唔,我問題係咁多啦,多謝你既訪問。”

“呃,咁既…”點樣問佢拎電話好呢= =

好嫣然一笑。“估唔到你竟然係球隊領隊,咁我諗我地有好多見面機會。”

“你做記者架?”

“係呀!係ITV電視台做足球記者。”

“你叫咩名?”終於問到啦。

“我叫希拉里. 奧卡路爾(Hilary O’Carroll) ,請多多指教。”

“請多多指教。”

“呀,我地有咩辦法可以再聯絡?”

她先微笑一聲,然後係袋度拎張咭片出黎。

“呢度有我電話,隨時聯絡啦!” 哇,終於得到佢電話啦!(天音:喂,你唔記得左比琳達呀= =………….)

賽後返到去做埋d手尾,係呢個時候收到兩張fax:
第一張係S. 拿臣決定拒絕我地= =,第二張係Welling開價£8,000收購韋特,拒絕啦!

2005年8月22日
韋恩昆尼正式復操,不過我未必會俾佢踢兩日後對Sutton Utd既比賽,始終未完全傷好我唔會俾佢搏。

今日湯美利臣突然走黎搵我。

“有咩事?”

“咁既,我阿爸話有事搵你,叫你今晚去酒吧搵佢。”

係喎,佢曾經話幫我搵希拉里既野,不過我而家都識左佢啦。都係去同佢講番啦。“好!我今晚會到。”

準備去酒吧時,拜拿特又黎過,今次出£13,000即俾,拒絕!

去到酒吧,諗住同安地阿爸打個招呼,但我未出聲佢已經…..

“喂!睇下果度………..”

竟然係希拉里,佢坐左係餐廳最角落個位。

“加油啦!”佢輕聲同我講,之後走番去做野。

“喂,你好。”

“呀!咁岩既,Maidenhead領隊丹尼爾。”

“你成日黎呢度架?”

“可以咁講啦!呢度幾好,野食好味而且夠清靜。”

同佢傾左大約一個鐘,大約都理解到佢係點既人。相比起比琳達,佢明顯保守好多,而家夏天佢都仲著得好密實。佢睇落仲好怕羞tim,同比琳達成日對我放電分別好大。而且佢對事業好似好睇重,見佢食野果陣都仲拎住d工作資料睇。真係好勤力。

“好啦!我仲有野做,我走先啦。”

“呀,咁快…………..” 我仲想同你傾多陣= =

佢先微笑一下“想搵我就黎呢度搵我啦,基本上我都會黎。唔係既話你就打電話俾我。” 終於可以同佢傾計啦!

今晚返去見到比琳達係門口等我,佢一見到我就即刻攬住我。

“你做咩咁遲先番架?”

“呃…………..” 講真頭先同另一個女仔傾計,好似好對唔住佢咁。

“今晚黎我屋企得唔得?我想同你傾下計。”算啦,叫做做番d野補償番佢。(天音:你想自已享受ja ma= =...............)

“好啦!”

to be continued……
發表於 2006-2-5 19:57:47 | 顯示全部樓層
咁q花心架
發表於 2006-2-5 21:12:42 | 顯示全部樓層
花心既!要打!!
發表於 2006-2-5 21:20:41 | 顯示全部樓層
記者唔係一般報左自己個名先訪問既咩?
 樓主| 發表於 2006-2-5 21:26:05 | 顯示全部樓層
原帖由 銀公主 於 2006-2-5  09:20 PM 發表
記者唔係一般報左自己個名先訪問既咩?

係既咩
我唔知tim
下次我會記住的了
發表於 2006-2-5 22:01:10 | 顯示全部樓層
花心,在滿足作者現實做唔到ga野嗎??
 樓主| 發表於 2006-2-5 23:36:13 | 顯示全部樓層
2005年8月23日
“喂,起身啦!懶蟲!”

“係…係” 尋日雖然話只係應承同佢傾計,不過弧男寡女共處一室仲過左一晚同人講咩都冇發生過真係好難令人相信,結果又同佢發生關係了。

本來我冇哂力,但我一望比琳達,身體又開始發熱了,佢…佢竟然冇著衫!

我呆住欣賞佢既身體,佢見狀即刻用手遮掩胸部。

“望咩呀!死色狼!”

我即刻沖前攬住佢,隻手順便四周圍摸佢冷雪白滑的皮膚。“冇呀!眼前有個赤裸靚女想欣賞下je。”

“唔正經!”:

“哈哈,係邊個黎引誘我先?”

“我唔係特登引誘你,只不過係係屋企唔想著到咁密實。”

“呵呵,係咩。我唔理,快d俾我錫一下。”

“喂夠鐘返工啦!食早餐啦!”

我一臉不滿 “哼你挑到我慾火仲唔幫我!”

“唔好咁啦!係冇時間呀嘛。”

我仍然保持不滿既樣子。

“好啦!我用d特別既方法幫你啦”

佢突然成個人跪低,我突然感到無上快感“好正呀!!!”



係球場上,仲回味緊頭先。哇估唔到會有個美女用”果種方法”對負我。(我:係咩方法讀者自已想像啦。  天音:你覺唔覺得你係度挑戰緊權限? 我:………………………….) 突然哥連走黎搵我,原來佢又搵到另一位左後衛人選,Kidderminster的左後衛般頓(Steve Burton)。佢能力算ok,由於佢已被掛牌,所以我地去同Kidderminster會方接洽,希望可以有機會同個球員傾。

2005年8月23日
Kidderminster同意免費放走般頓,我地計劃了兩日後黎同佢傾。

今日特別要球員加緊操練,因為聽日好難打既比賽黎啦!

2005年8月24日
非聯賽南組第四場

Sutton Utd VS Maidenhead United

Sutton Utd係另一隊冠軍熱門,今日作客果然係場苦戰。上半場完全被人壓住黎踢。我地既不失球紀錄到上半場23分鐘終結,Akuamoah扭過根寧咸妙傳Ekoku,後者扭過出迎門將夏利遜送入空門。半場我地落後一球。

下半場雖然仍然係主隊佔優,但係我地已經漸漸站穩陣腳。我相信好快會有收成,果然在79分鐘,湯美利臣妙傳尼高斯,後者突破越位然後chip過對方門將,成功追和。之後Sutton Utd狂攻嘗試再取得領先,不過夏利遜的優秀表現令我地成功取得一分。

Sutton Utd (4-4-2): Emberson; Palmer, Gonsalves, Elliott, Scarboro; Quinton, Gray, Honey, Cornwall; Akuamoah, Ekoku

Maidenhead(4-4-2) Harrison; Kersey, Dawson, Cunningham, Parsons; Rasmussen(Traynor 60”), Grant, Tomlinson, Smyth(Hughes 67”); Nicholls, Robinson

Final Score: Sutton Utd 1-1 Maidenhead
MoM: Paul Harrison

睇黎有必要快d搵左後防啦,派利遜(Ryan Parsons) 腳趾受傷要養傷約十日。好在韋恩昆尼好番je。

2005年8月25日
今日般頓同佢經理人黎到。

“請坐請坐!”難得有個效力高級球會既球員肯黎同我地傾,所以我地顯得特別尊敬,希望俾佢有個好印象。

“好!咁我地開始啦。”我將大約條款同我地球會既情況詳述俾佢地聽。佢地睇落都幾滿意。問到佢地意見時,佢經理人先出聲。

“咁既,我既client都唔介意加盟一間非聯賽南組既比賽,不過佢希望可以確定呢單球會岩佢。”

“即係點?”我有d唔多明白。

“我希望先以借用身份加盟你們,然後睇情況再決定。”佢本人出聲啦。

我諗落都唔係問題。“咁好啦,我會發信到Kidderminster傾借用。”

“好!再見!”呼,睇黎進展幾順利,希望簽到啦!


今日去到練習場,我見到保羅羅賓遜係度猛練射球。而家應該係休息時間,我見到所有球員都坐左係度,係得佢練波,我覺得奇怪。所以走去問下球員發生咩事。

隊長奇雲多遜首先出聲:“佢連續四場冇波入,覺得好唔開心,所以猛係度練波!”

原來係咁,不過成日練太多好易傷架喎!

“唉都未見過佢咁用心做一件事既。”韋恩昆尼語氣深長地輕歎一句。

“點解咁講?”所有人目光集中係佢度。

“以前效力錫菲聯果時我都已經有幾次係紐卡素試腳。記得當年領隊奇雲基瑾(Kevin Keegan) 係重用番舒利亞唔用佢果時,佢都冇特別加操去爭取正選,好似冇乜所謂咁。基瑾對佢呢種唔上進既性格都感到非常無奈,到離開紐卡素後佢前途一直下滑相信都係因為咁。”昆尼慢慢將以前既野講哂出黎,原來佢以前係咁既人。

“佢份人就係咁,以為自已好勁,以為人地唔鍾意佢只係因為唔識貨,所以就算冇正選唔特別表現自已。所以而家見到佢咁努力練習,我真係對佢感到安慰。”

佳尼突然出聲:“咁應該值得為佢高興呀,回頭是岸嘛。”

“不過咁樣成日練對身體唔多好喎。” 我含著點擔心的語氣說著。 “麥克(Mark Nicholls)你可以幫下佢嘛。”講左呢句後,唔知點解所有球員都長歎一聲。

“咩事?我講錯野?”

尼高斯首先出聲。“領隊,你知唔知佢已經成日捉住我同佢練習,我就黎頂佢唔順啦!”

多遜同根寧咸都乘機吐出不快。“佢仲捉我地練tim呀,搞到夜晚都唔肯放過我地= =。真係…………..”

“領隊你幫下手勸下佢啦,我地就黎死啦!”基斯你洗唔洗咁誇張呀= =

真係無言,又洗唔洗咁落力呀。不過咁都唔係辦法,一定要諗個方法。

“保羅,陣間黎我辦公室!”

“呀….. 係!”

係我返入辦公室時,球員們已交頭接耳,梗係傾緊我會同佢講咩啦。

“保羅!請坐!”

“我想同你講………….” 我未講完,佢已經出左聲。

“領隊對唔住,我辜負左對你既期望!”佢睇落好似好激動。

我無力地笑了笑“保羅你唔洗緊張,我唔係黎鬧你既。”

“保羅,你對近幾場表現有咩感想。”

“唔好!我知道自已可以做得更好的。”

“的確你可以做得更好,不過你既表現我都好滿意喎。”

“點會………….”

“你雖然冇入波,但係都做左好多機會俾對友。作為一個正前鋒你可以做到呢點非常難得。”保羅似乎冇咁緊張,我繼續講:“暫時冇入波只係因為你腳重唔好je,就算英格蘭一級射手舒利亞都曾經試過狀態低沉既時候啦。”佢聽到舒利亞個名,好似好唔開心咁。

我拍拍佢搏頭“唔好忘記你曾經搶贏過舒利亞成為紐記正選的。”

呢個時候佢終於出聲:“果時我搶贏佢係因為古烈治同佢有心病,其實我一早知。” 佢開始喊起來。

“如果你唔係有實力古烈治點會睇上你?你要對自已有信心。”

佢喊得愈黎愈厲害。“其實…. 其實我好恨阿倫(舒利亞) 佢,佢一世好運,我就一世唔好運!本來我係用實力打贏佢既,但係個個球迷都話我有正選只係因為古烈治既問題!個個都話我係廢柴前鋒。其實我…. 其實我好像證明俾大家睇我係以實力爭贏架……………….” 我真係估唔到原來佢咁大包袱………

“咁你就證明俾佢地睇你得,我好相信你,你一定做到。不過唔好搏得太辛苦,唔好俾壓力自已,咁好難成大事架。總知,相信自已,你一定得!”

“領隊,我明白了。講哂d野出黎我個心安樂多了。”佢用紙巾抹乾淨d眼淚,離開辦公室了。唉,每個人都有自已既過去既。


to be continued......
 樓主| 發表於 2006-2-5 23:36:59 | 顯示全部樓層
原帖由 灰袍聖徒 於 2006-2-5  10:01 PM 發表
花心,在滿足作者現實做唔到ga野嗎??

發表於 2006-2-6 00:15:08 | 顯示全部樓層
岩岩先睇到, 幾正喎, support!!~
發表於 2006-2-6 00:26:45 | 顯示全部樓層
好似為左讀者們而寫得太多H野了....
發表於 2006-2-6 00:43:48 | 顯示全部樓層
其實我想問
一個球員加盟另一間球會之前係咪應該都會試左腳先架.........???
 樓主| 發表於 2006-2-6 00:50:43 | 顯示全部樓層
原帖由 孫中謝拉特.奧雲 於 2006-2-6  12:26 AM 發表
好似為左讀者們而寫得太多H野了....

ok
我會減少呢d情節架喇

[ 本帖最後由 JohnTerry 於 2006-2-6  12:51 AM 編輯 ]
 樓主| 發表於 2006-2-6 00:53:27 | 顯示全部樓層
原帖由 hehe0114 於 2006-2-6  12:43 AM 發表
其實我想問
一個球員加盟另一間球會之前係咪應該都會試左腳先架.........???

試腳通常係球會想睇下個球員岩唔岩先需要
如果球會一開始就想要應該唔洗

不過我唔肯定
發表於 2006-2-6 15:34:58 | 顯示全部樓層
原帖由 孫中謝拉特.奧雲 於 2006-2-6  12:26 AM 發表
好似為左讀者們而寫得太多H野了....

點會
好似某啤酒廣告
part of the game
發表於 2006-2-6 16:34:42 | 顯示全部樓層
幾時對Carshalton?
 樓主| 發表於 2006-2-6 17:19:12 | 顯示全部樓層
原帖由 cnwong 於 2006-2-6  04:34 PM 發表
幾時對Carshalton?

9月17日
 樓主| 發表於 2006-2-6 18:52:25 | 顯示全部樓層
2005年8月26日
韋恩昆尼操練時觸傷甚患,桑意報告今次要休息三個月@@

天呀!三個月..............................

而家冇哂左後防啦..................

2005年8月27日
係對St Albans 既比賽之前,Kidderminster通知我們他們同意了借用四個月和免費放走的額外條款。

非聯賽南組第五場

Maidenhead United VS St Albans

係冇左後衛情況下,根寧咸要被迫去踢左後。雖然哥連俾我既資料佢踢得左後衛,不過195cm身高速度慢又冇傳中點踢閘呀(我一直懷疑佢係咪當左呢個根寧咸係伯明翰果個) 。算啦,死就死喇,一場je。之後有約十多日時間應該搵到新左閘。

呢場波最開心既相信係保羅羅賓遜,佢終於打破了入球荒。上半場17分鐘,麥克史密夫左路連過三個@@,係窄角位射門中柱彈出,門前的羅賓遜執雞成功。在場所有球員登佢呢球感到高興。“你得左啦!保羅!”上半場臨完場時,湯美利臣妙傳羅賓遜,羅賓遜面對龍門,不過有個中堅係前面擋住,佢竟然就咁側身,仲要入網仔!保羅返黎了,一入到波腳風就順啦!半場領先兩球。

中場時都特別同羅賓遜講“恭喜你!你終於成功啦。”不過可能太高興的關係,下半場有d俾人壓住,不過對方攻勢完全冇威脅。不過最大問題係昆尼再傷過= =。結果就咁贏2-0。繼續保持不敗。

Maidenhead(4-4-2): Harrison; Kersey, Dawson,Conner, Cunningham; Rasmussen, Grant, Tomlinson, Smyth(Hughes 72”), Nicholls, Robinson(Roberts 76”)

St Albans(4-4-2): Bastock; Cousins, Seeby, Sangare, Ada; Roddis, Hann, Graham, Cracknell; Clarke, Martin

Final Score: Maidenhead 2-0 St Albans
MoM: Paul Robinson

2005年8月28日
般頓經理人今朝同我地講因為有新球會開價收購佢client所以唔可以同我地簽住。邊個阻住哂,經過哥連打探之後竟然係Havant and W!!拜拿特你好野!你即刻成為我領隊生涯以黎第一個痛恨既人!你咪洗旨意我賣韋特俾你!

真係天光唔好講人,夜晚唔好講鬼。我即刻收到佢電話,我真係好想爆粗,不過手邊的哥連猛勸我要冷靜。我唯有盡量冷靜落黎。

“唔知拜拿特先生有咩貴幹呢?”雖然已經盡量冷靜,不過如果耳明的都會聽得出我發緊惱。

“咁既我希望再傾過簽韋特,價錢方面萬事有商量。”

“一口價£20,000!冇得傾!”

“咁啦!如果你肯減價到£13,000,我唔同你爭般頓啦!”咩話,佢竟然用呢樣野講數!

“呢個完全兩件事黎。”

“你考慮清楚喎,你地而家冇左後,如果簽唔到佢會好大件事。而家叫你俾個中堅我,大家都有著數je。”佢終於露出狐狸尾巴了。

“唔通你係為左簽韋特所以同愛地爭般頓!?”

佢冇直接答我問題“以經濟條件我地開出既條件一定好過你地,般頓好可能加入我地架喎,你都係考慮下好。”  你條死人頭!

“冇咪冇囉!大不了再搵過!我先唔會要你d臭錢!” 我終於頂唔住了, 大罵了一頓,然後即刻收左線。

“喂喂,冷靜d呀。”

我真係好難冷靜,我發誓我一定要係球場上狂炒你!

2005年8月30日
我地終於可以宣布簽到左後衛啦,不過只會係臨時替補。17歲後衛奧佳簽下一張一年合約(Erkin Okay) 。不過佢能力真係好一般,所以唔會影響到般頓既轉會問題。

新球員加盟資料
奧佳(Erkin Okay) 17歲  英格蘭  D/DM R/L—整體防守技術一般,但勝在可打多個位置同速度唔錯。在土耳其出生。

六場波五勝一和,不過都只係排第二,點解?因為有隊六場全炒人既球隊,冇錯,就係加利帶領既Weymouth。果然超哂班= =。

2005年8月31日
今日係高級聯賽轉會關閉日,今日成日係屋企睇轉會新聞。最大單新聞莫過於安歷卡(Nicholas Anelka)£10M驚人地回歸兵工廠。@@

to be continued......

[ 本帖最後由 JohnTerry 於 2006-2-6  07:45 PM 編輯 ]
發表於 2006-2-6 19:15:41 | 顯示全部樓層
真係好,睇完一篇隻game剛剛load完
發表於 2006-2-6 19:37:35 | 顯示全部樓層
仲有咩花招玩
發表於 2006-2-6 21:30:22 | 顯示全部樓層
o岩o岩輸左比Maidenhead
比你個龍門屈
您需要登錄後才可以回帖 登錄 | 會員申請

本版積分規則

小黑屋|手機版|Archiver|HKCM

GMT+8, 2021-10-24 23:25 , Processed in 0.076614 second(s), 14 queries .

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表