Football Manager & Championship Manager, HKCM Forum 香港FM & CM官方球迷網討論區

 找回密碼
  會員申請
搜索
熱搜: 活動 交友 discuz
查看: 1972|回復: 1

bbz新手教學(未完成)

[複製鏈接]
發表於 2012-9-4 23:12:54 | 顯示全部樓層 |閱讀模式
先旨聲明..本人對bbz的大部份認識都是來自hoopchina bballzone版的..所以首先要鳴謝hc中諸多老手的教學
第二樣..bbz入面其中一樣最重要嘅就係fans club數量..所以請大家可憐下我去參觀下我嘅front page啦 - http://www.bballzone.net/en/Klubas-aprasymas-12580_Meteoroid.htm
如果大家唔知道bbz係咩而又想玩嘅..歡迎用呢條link黎申請帳號 - http://www.bballzone.net/cn/Registracija-forma-46026.htm

ok..相信玩bbz嘅玩家入面有一部份係有玩bb的..bbz係設定上比bb複雜..所以各位可能會有不同嘅疑問,希望係下面有可以幫到你嘅資訊啦。而呢個小小心得亦都會夾雜左少少bbz help會有提到嘅野,專門係比d唔想睇help嘅人

唔知點樣開始好..我決定跟住個menu去逐樣講下啦..大家可以問下以豐富個主題..當然..有咩講得唔岩都可以提返我去修正的

1. club

1.1 club
呢度就係球隊嘅front page..你想同人地互粉(互相成為對方的fans)就要比呢頁人啦..
新手黎講呢度最重要就係fans的數量,因為fans數量越多,願意入場嘅鐵桿粉絲越多。fans嘅增長可以話對球隊係百利而無一害嘅。

1.2 finances

呢頁就係比大家睇下球隊嘅財務狀況。有d人會被30.000迷惑到..因為出價又好,scout人都好..用嘅都係一千幾百eu..咁30.000點解呢?
其實呢個.可以視之為, 30.000即係30000eu..其實你當粒點無到就得嫁啦
下面會show到有咩資金出出入入咁,又有預計季尾大概仲有幾錢balance咁..呢d野一眼睇哂啦
比較重要少少就係salary方面..bbz的人工係以週薪計的..而且係每週出糧..而bbz一季有9週..所以出價簽人個陣可以計下條數先
而sponsor都係每週比贊助費的..而sponsor嘅野會係之後sponsor個part再詳細d講

1.2.1 sector's financing
呢part就係比玩家係三個不同部門設立部門支出,部門支出係幫助球會係各方面更臻完善

第一個部門image sector..同埋第三個部門personnel sector其實我分唔到係功用上兩者有何分別..或者image對外人影響力大d..而personnel就針對球會內部人士多d
投資呢兩個部門嘅好處係有助球隊更易簽到free agent(fa)或者coach..以及令球員更願意同球會續約

第二個係popularity sector..而popularity sector顧名思義就係令球隊知名度更高的部門
咁令球隊知名度高有咩好處呢?
1.會令入場人數增加,增加門票收入
2.知名度越高,贊助商所提供的sponsor收入越高
但係要留意嘅野,知名度只係會係相同聯賽累積,即係話..如果處於不同聯賽的話知名度會reset
舉個例子,一隊出生於2.1聯嘅球隊,係投資左一定金額係popularity sector之後有一定嘅知名度
但係升左上1.1聯喎..咁2.1聯嘅知名度就唔能夠帶上1聯..而佢係1聯嘅知名度將會係0(假設初始知名度為0)
所以如果想升班的話..呢1part嘅投資可以減低,甚至取消 - 只要你有信心你一定能夠升班/會降班的話

需要留意嘅係,當決定減少部門投資時,會扣返個差價
即係由3000eu投資額>1000eu..就要一次性付出2000eu

1.3 club arenas
bbz係無得起場嘅..只能夠用舊有球場或者租場..租得越長就平均每場費用越平,反之亦然
幾時要租場..d野點set我就唔太清楚啦..有經驗嘅可以提供下..補完下呢份新手教學
講啲help入面有提到嘅野先啦
首先球場越滿(空位越少)就主場優勢越大
入場嘅球迷越多,亦都令主場優勢越大
入場球迷分幾種..loyal spectators, common spectators同埋casual spectators
而不同球迷對主場優勢都有不同影響
對主場優勢影響最大依次為loyal spectators>common spectators>casual spectators

而場館功能有兩種: compatibility同埋comfort
前者越好,越多loyal spectators或者common spectators入場聲援球隊
後者越好則越多casual spectators入場睇比賽
你可以理解為前者對主場優勢影響較大
後者則對門票收益影響較大(因為casual spectators始終係佔入場人數嘅大比例..至少新球隊係咁)

而每場比賽都可以set門票價錢
價錢有分高中低..
我嘅經驗係初始個個500場,一般的話門票收入係2000eu..而昂貴的話則是2900..以上數據係以入場人數爆滿為基準..大家可以參考一下

而有幾多人對呢場比賽有興趣可以係matches嘅schedule到睇到..int下面會有個數字..呢個數字係建基於場館級別7以及一般票價得來的數字。

1.4 sponsors
sponsors入面有分三大類..team sponsors, league sponsors同埋special country's sponsor
team sponsor有分big share sponsor同埋small share sponsor..
總之每隊最多可以簽兩大(55% & 25%)兩細(2份10%)嘅贊助合同啦
sponsor合同嘅大細就好似前面咁講..都幾睇重球隊係該聯賽嘅知名度
同埋轉聯(不論升降)所有sponsor都會係新球季取消..可以簽過份新嘅..所以如果簽錯左d長期爛贊助合同嘅唔洗驚..轉聯就有生天嫁啦
所以如果係三聯打滾左幾季..又有投資popularity sector的話..升上2聯所提供嘅sponsor會比係三聯收開嘅低..咁係呢個時候盡量簽d短期合約等下季有機會簽新約會係比較明智嘅抉擇
而一份合約嘅好壞最好就睇下佢嘅1% financing係幾多..以新球隊來說..1%有50eu+已經非常好的了
希望先打好基礎再升班的..可以先簽短約+投資popularity sector
想衝的就唔洗理年份..齋揀高1% financing就ok了..當然..衝唔到我係唔負責嘅
不過要小心..sponsor係每週比嘅..所以如果唔想蝕左一週sponsor的話就應該係day7前簽盡..
我試過day7個陣差個55%未簽..結果第一週淨收10270..結果收少左2700..係度向比我fake左嘅朋友致歉
另外..除左team sponsors..仲有league sponsors同埋special country's sponsor
呢兩個就我地無得揀嘅...只能夠去到相應嘅聯賽就會自動簽的
而special country's sponsor就係d1先有..所以大家要努力衝上d1呀呀呀呀呀!!!

1.5 rankings
呢個係比大家睇下世界級球隊、國內球隊以及本聯賽的實力排名的...
最有用就係用黎參考下人地建隊或者經營方針..或者比d人用黎自high的...

1.6 press conferences
呢個就好似bb嘅論壇..可以揀地方去發表..不過次數有限
可以用黎同外國人傾下換人嘅..或者自我介紹,諸如此類咁..反正我未用過
歡迎用過嘅人去發表下用後感受~



待續...
發表於 2012-9-5 00:27:55 | 顯示全部樓層
頂, 原來無PREMIUM services
係Marketplace 唔可以search "All countries".......
您需要登錄後才可以回帖 登錄 | 會員申請

本版積分規則

小黑屋|手機版|Archiver|HKCM

GMT+8, 2020-8-4 22:17 , Processed in 0.104181 second(s), 8 queries , Apc On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表