Football Manager & Championship Manager, HKCM Forum 香港FM & CM官方球迷網討論區

 找回密碼
  會員申請
搜索
熱搜: 活動 交友 discuz
查看: 14964|回復: 12

賭波心得分享(轉載)

[複製鏈接]
發表於 2006-8-3 21:25:40 | 顯示全部樓層 |閱讀模式
前言:
文中我指HongKerwin本人,非我孫中謝拉特.奧雲


賭波 賭德

賭波 四禁  (HongKerwin完全禁止)
一.禁賭身家
二.禁意氣用事
三.禁以大搏大
四.禁睇TIPS唔回復

賭波 五莫  (HongKerwin不推薦)
一.莫揀生疏波
二.莫玩五五波
三.莫玩足成晚賽事
四.莫過早落注
五.莫過分落未來錢

賭波 六善  (HongKerwin賭波習慣)
一.善作球隊數據統計
二.善於記錄古怪盤口
三.善於對比歐亞盤口
四.善於對比各地亞盤
五.善於摸索莊家規律
六.善於回收錢入銀行


四禁五莫六善 講解
禁賭身家
對於睇我呢部秘笈噶讀者,首先我唔想各位成爲一個病態賭徒,點樣區分係係病態賭徒,取決於你識識收手,賭波賭身家同玩命如同一致,試想下自己霎時間乜都冇曬,衰過死,所以賭波第一賭德——禁止賭身家,如果你有此傾向請不要再閲讀以下内容

禁意氣用事
意氣用事玩鬥氣波,最後輸嘅係你,贏噶係莊家,一個人意氣用事頭腦係最唔清醒嘅,咁樣去買波,不如就咁俾錢我好過,起碼我會收五成算,等你清醒咗俾返五成你。意氣用事一般出現係輸波之後要追數,建議波友出去沖杯參茶,閉目養神自我調節下再衡量自己之後仲可唔可以繼續,對於賭波嚟講係一個持久戰,街外錢永遠搵唔曬,今日輸小小,日後都可以搵返,所以真係唔得就主動退下火綫,然後分析餘下賽事,用作經驗累積,中嘅為日後樹立信心,唔中嘅慶幸自己運數好尋晚收手,都為次日作戰營造良好心態。

禁以大搏大
以大搏大,可以話同賭身家差唔多,建議一場波唔好落超過賭本一半嘅資金,如果唔係翻身機會都冇,而且咁樣會好大壓力,影響分析能力

禁睇TIPS唔回復
睇TIPS唔回復係一種無品行爲,一個人出TIPS出咗公開自己分析結果外,仲係俾參考大家,而且對於一個出得准嘅人,人人睇過就走,更加影響積極性,損失嘅始終係大家,自問我好在意睇各位有冇回復,而且唔局限於單凴支持兩隻字,可以同我交流,或者問候下我會更加努力為大家出心水

莫揀生疏波
一場賽事如果你連兩隊波咩實力或者有咩球員都唔知,我建議你唔好玩,因爲咩都唔知,根本做唔到分析,例如球隊常理比較、莊家心態、盤口是否詭異,你完全做唔到功課,呢啲賽事始終都係做練習盤口分析好過

莫玩五五波
其實莊家出亞洲盤全部都係五五波,不過加上自己分析、盤口走勢對比之後,呢個天平就唔會再平衡先,此時如果自己仲係心大心細,我建議你唔好玩呢場,一晚賽事何其多,何必為一場完全靠賭命運,自己又冇信心嘅賽事擔驚受怕。

莫玩足成晚賽事
呢一點有兩層意思,一個係贏小小走人了,第二個係唔好分散投資。我成日有提及到街外錢永遠搵唔完,賭徒沉迷嘅係唔會收手,賭始終係唔正道嘅搵錢方法,而且好講命水,今日唔知下日運,贏咗就收,永遠立自己於不敗先,試問一個玩波耐嘅人,面對莊家又有幾個人可以不敗,不過只要你會收手咩都得。至於分散投資,我只係建議一個唔係玩好耐波嘅人唔好做,對於新人,分散多一個資金多一個危險,至於老雀,多一個投資就多一個保險

莫過早落注
冇人傻到初盤就買呱,分析盤口計,好多時候要等落注一定后睇到眉目(呢點日後會詳細介紹到),你過早落注就將自己放係不利嘅地步,一般晚黑12點前嘅波,半個至一個鈡錢落注最好,至於深夜波,1點到落注就夠,原因賣個關子,日後再講

莫過分落未來錢
未完場就落住下場先叫做落未來錢,呢場都唔知輸贏就玩下場,始終有風險,當然預先落注1到3場,仲可以理解,即係風險仲可以接受,不過8點就落曬晚黑10幾場波,乜都死人喇

善作球隊數據統計
球隊嘅主客戰績、進攻防守力等統計,可以起到常理分析戰果嘅效益,所以各位最好賽前做個數據統計,呢點日後會介紹到需要統計咩數據,希望各位留意

善於記錄古怪盤口
怪盤,係莊家嘅一個陷阱,亦係莊家俾各位假波嘅提示,大家做好記錄,日後遇到相同情況就多個參考

善於對比歐亞盤口
亞盤係根據歐盤去開嘅,一般歐盤唔會出現過多詭異,所以用歐盤去分析亞盤可以推斷亞盤鬼係邊,從而得出明敞黽擇,呢方面技巧我睇情況講解下

善於對比各地亞盤
單睇一個盤走勢會死得人多,一般新手就睇澳盤,不過咁樣一般會俾澳門莊家呃到,最好對比其他地方盤口,就容易做個精明透視眼

善於摸索莊家規律
呢個可以話一時三刻唔可以訓練到,而且講規律都好快失效,因爲莊家成日換操盤手,不過對於短時期講好有幫助,日後有詳盡講解

善於回收錢入銀行
賭波致傢典範,咁樣先可以處於勝利者,贏錢就一半放銀行,一半做賭本,之後過一個月等賭本壯大后又將一半賭本放入銀行,如此類推
 樓主| 發表於 2006-8-3 21:25:50 | 顯示全部樓層
整理球隊資料數據

整理資料是成爲賭波高手的一個手段,充分嘅數據支持,可以估計出一個大概,假波一般唔會成日出現,爆冷都唔會好常見,所以資料數據可以話係一個強進後臺。
整理資料一般包括,球隊嘅攻防能力,對戰往績,最近比賽戰鬥力,主客場戰鬥能力差別,未來是否有重點賽事,陣中傷病幾多等,以下為大家逐一介紹各個項目

進防能力-----------玩亞洲盤最重要一點,贏盤輸波往往就出係呢度,好多球隊贏波贏一球就會輸盤,而呢點亦可以係大小球方面去獲得幫助

對戰往績-----------由於各位球隊打法唔同,好多時候會有悻悻相克出現

最近比賽成績--------各個球隊成績時好時坏,要根據呢點決斷球隊係繼續沉迷定大炒反彈,一般低迷不過三場

主客戰鬥力-----------地域噶差異,好多時候因爲旅途關係導致球隊主客成績各自唔同,例如紐卡素,因爲比較遠離其他球隊,所以人哋去佢到一般會狀態比較難保證,相反佢去人哋度亦唔好得去邊

體力保證--------------好多球隊要應付多綫比賽,體力係一個關鍵,好多時候因爲周中賽事導致周末聯賽大打折扣

未來賽事--------------未來嘅賽事會影響教練排兵佈陣,甚至放棄比賽。而重要賽事前,球隊熱身一般會攞好彩頭

傷病因素--------------主力傷咗梗係影響球隊成績喇,唔係唔使分主力替補喇,不過對於一啲板凳深度高噶球隊可以忽略呢點,例如車仔

最近球隊大事---------好多時候球隊嘅事情會影響班波狀態,例如一般換教練都會即刻反彈一場,當然遲早都會衰返落去

[ 本帖最後由 孫中謝拉特.奧雲 於 2006-8-3  09:27 PM 編輯 ]
 樓主| 發表於 2006-8-3 21:25:52 | 顯示全部樓層
澳門盤口如何讀
澳門,作爲一個盤口嘅一個標準,有佢嘅一套,點解要咁看重澳門盤口呢,因爲佢係HK、内地地下莊嘅補飛吸納點,一般莊家遇到大飛甚至補飛都會係澳門個邊做,故此好多地下莊家都會依照澳門盤口開盤,而澳門亦都係最細膽最鬼噶一個莊家,一般講,澳門相對東南亞等地嘅亞洲盤水位低,相對歐洲個邊個歐盤回水又係低,而且澳門亦冇東南亞個邊反應咁快,一般佢會做到水位平衡,唔會有5水(1.50)、6水(1.60)嘅低水位一面倒情況出現.

而澳門個邊都有一個習慣,就係開波前最後幾分鈡嘅水位基本上可以反應出盤口傾向邊邊。有心嘅朋友都應該記得03年仲係3L嘅時候,我初初出TIPS就好中意開波前5~10分鐘先俾TIPS,咁樣係因爲我要等最後時刻先知道澳門邊個盤做馬,特指1.80水位嘅球隊,當時規律係咁嘅:最後5分鐘内冇轉盤,低水球隊會贏盤,相反,轉盤就到轉盤后低水個隊贏喇。我唔知道澳門個邊有冇呢個規律先,因爲傢陣我一般係半個鐘頭就會出心水,所以呢個規律唔係好適合我。

而澳門盤口係點睇呢,大家不妨注意下走勢、1.80水位維持嘅時間、出現超低水位(低於1.80水)等嚟判斷
以下我作個簡單介紹
水位某段時間急劇下輟----------表明當時有大量資金投注某隊,當時你要分析好呢個係閒家真係買個隊定莊家唔肯定要補飛,兩者區別就係一個係收到料好放心去買,而後者係有可能莊家覺得未必食到個份單而將風險俾澳門

1.80水位----------------維持時間長短係澳門想吸納邊隊波投注額嘅重要表現,一般1.80水位維持得長表示低水位個隊係澳門想吸納噶,當然呢個規律隨時會變

超低水位----------------超低水位表示澳門唔想轉盤,呢個盤一般會令高水球隊風險大,低水球隊冇肉食,所以要將心比心猜測澳門操盤手心態

[ 本帖最後由 孫中謝拉特.奧雲 於 2006-8-3  09:28 PM 編輯 ]
 樓主| 發表於 2006-8-3 21:25:53 | 顯示全部樓層
預留下節講課....................
 樓主| 發表於 2006-8-3 21:25:54 | 顯示全部樓層
預留下節講課....................
 樓主| 發表於 2006-8-3 21:25:54 | 顯示全部樓層
預留下節講課....................
 樓主| 發表於 2006-8-3 21:25:55 | 顯示全部樓層
預留下節講課....................
 樓主| 發表於 2006-8-3 21:25:56 | 顯示全部樓層
預留下節講課....................
 樓主| 發表於 2006-8-3 21:25:57 | 顯示全部樓層
預留下節講課....................
 樓主| 發表於 2006-8-3 21:25:58 | 顯示全部樓層
預留下節講課....................
 樓主| 發表於 2006-8-3 21:25:58 | 顯示全部樓層
預留下節講課....................
發表於 2006-9-19 17:30:21 | 顯示全部樓層
推一推先,驚有其他人睇唔到
發表於 2017-4-2 12:43:17 | 顯示全部樓層
樓主,仲有冇其他教學啊?
您需要登錄後才可以回帖 登錄 | 會員申請

本版積分規則

小黑屋|手機版|Archiver|HKCM

GMT+8, 2019-9-16 01:54 , Processed in 0.135086 second(s), 8 queries , Apc On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表