Football Manager & Championship Manager, HKCM Forum 香港FM & CM官方球迷網討論區

 找回密碼
 會員申請
搜索
熱搜: 活動 交友 discuz
樓主: JohnTerry

我的領隊人生

[複製鏈接]
發表於 2006-2-3 22:34:17 | 顯示全部樓層
得閒整幾張相
都幾特別
 樓主| 發表於 2006-2-4 01:38:31 | 顯示全部樓層
2005年8月1日

原帖由 [I]Koptalk[/I] 於 2005-8-1  4:02 PM 發表
Mark go to Conference South

  

Paul Harrison(left) and Mark Smyth(right) become teammate again.



Our former young left winger, Mark Smyth, has signed for Maidenhead after being released in July.

He has signed a two years contract with the Magpies.

Left-footed Mark is an England schoolboy international who regularly plays up front but is equally adept in a wide midfield role. He possess terrific pace, can run all day and was a prolific scorer for the under-17s last term. But Rafael Benitez believe he is surplus to requirements.

Maidenhead has recently signed another Liverpool trainee Paul Harrison, who was also release in July.

呢單轉會最開心既唔係我,係保羅。原來佢地兩個係利記預備組時已經好老友。一見到麥克時保羅即刻大叫"萬歲!"

"洗唔洗呀.........."

除左佢之後另一位龍門費利(Craig Farr)亦同意加盟。基於咁已經有四個龍,我將泰亞掛牌。

利雲頓同意了去溫布頓,伊斯高亦同意了Windsor的合約。球員得到£7,000.

最後我請了加斯居尼(Paul Gascogine)同查列特(Thomas Jarrett)做教練。咁我就有幫手了。

呼,今日剩係轉會都搞到好煩。今晚好好發個好夢先。

新球員加盟資料
費利(Craig Farr) 20歲  英格蘭  GK—反應快,身手敏捷,相信係保羅唔錯既競爭對手。唔講唔知原來佢有羅馬尼亞護照,可以代表羅馬尼亞上陣。

麥克史密夫(Mark Smyth) 20歲  英格蘭 AM L/C FC—速度好快,腳法出眾。不過太鍾意表現自已了,有點像未成熟既祖高爾。仲有佢傳中好差,需多加改善。

2005年8月2日
第一場比賽8月13號打,而增兵計劃又差唔多大功告成,教波可以叫教練幫手,所以暫時冇乜野做。我決定同加利約埋去足總買五日後社區盾阿仙奴 對 車路士既波飛。

係售票區,我地排係一條超長人龍的最後= =,鬼叫自已遲左出門口咩。

"喂睇新聞你都有幾大變動bor,我剩係簽左個比士圖(Lee Briscoe) ja。"

"你隊波原本就係升班人腳嘛,我係護級人腳黎架。其實講真個比士圖我都想要,點知被你個死野搶左。"

"冇計啦!本大爺出馬從來冇失手,你點同我鬥!"佢同我扮左個鬼臉!

"該死的傢伙!"我地開始笑罵起上黎。

"喂喂喂你地兩個睇人呀!"一把清脆既女聲叫住了我地兩個。

把聲咁屬既,轉身一看。

"比琳達!!!"我地兩個大叫!

"咁岩係度見到你地,你地都係買飛呀?"

"係呀!"我爽快的回答。

"哼!黎呢度排隊梗係買飛啦!用下腦啦!"加利一聲不悅,我不禁失笑一聲。偷偷地講俾你地聽啦,加利果"100枝鮮花示愛計劃"被比琳達一把掌破壞後,加利就對外聲稱比琳達是他的仇人,從來冇愛過佢,果個計劃只係想玩佢。講真其實明眼人睇都知事實既真相啦= =,不過唔可以講出黎,因為加利都算好好打,挨佢一掌好彩就只係肚痛,嚴重既就要入院。呢d就叫做反愛成恨吧。

但比琳達倒是沒甚麼意見,應該話佢寧願加利憎佢都唔想加利愛佢。

"呵呵,堂堂Weymouth領隊洗唔洗咁惱呀?"語氣明顯帶有挑釁成份,我感覺到一場足比媲美第二次世界大戰的鬥爭即將開始= =。唔快d阻止佢地就大濟!

"呀!比琳達你又會咁有興致想睇呢場波既。你唔係修咸頓球迷黎既咩?"

"對呢場比賽有d興趣嘛,相信唔少英國球迷都想睇呢場波。"

"哼!某某人真係好得閒.." 又來了= =

"咁又係呀,點似得某d人成日忙都只係得個桔。是嗎,Weymouth領隊加利希爾先生?"

"你..................." 弊啦,要開戰啦

"呀呀!就黎到我地買啦,快d行前啦!" 真係,難得今日可以休息下就唔好鬧交啦......

加利不慨為我朋友,佢都見到我難處,所以都唔再嘈。結果在緊張氣氛下我地終於買到飛了。

"哼!點解要同個臭婆娘一齊坐?"

"唉呀唔好咁啦!"

"唔想同我坐咪買過張第二張飛lor。堂堂Weymouth領隊應該好多錢!"

"我點解要聽你命令呀!我偏唔調位!"

我夾在兩人中間,無奈的搖搖頭......

夜晚,我同比琳達返到屋企

"咁呀!今日黎我度食晚飯呀!"

有美女邀請,我豈容拒絕!

等左一陣,佢已經將一碟碟菜拿出來。哇!好香呀!已經流哂口水。

"我去換件衫先" 我其實都冇聽到佢講已經開動了,好好食呀!佢老公以後一定好幸福!呵呵呵呵呵!(天音:你以為你會係咩?)

"喂!丹尼爾..."本來都只係望一眼,點知跟住就呆住了,比琳達著了一身低胸吊帶裙。露出雪白的肩膀和半邊乳房,優美的身型完全被高貴的晚裝逼出來。真是人間極品!

"我係咪好迷人.."

"係...係.."何止係呀,簡直殺死人啦!我用盡我既定力望住d菜,不過似乎比琳達係都唔放過我......"喂,丹尼爾你做咩唔望我呀!我唔好睇咩..."

"唔係...唔係....."

"咁你望我多d啦!人地鍾意你望住我..."之後佢又擺出一個誘人的笑容,我就黎頂唔住啦。

跟住佢擰左枝酒過黎..."今日我地飲杯啦"

"好...好"

我都唔記得左我飲左幾多,總知超過十杯,我感覺飄飄然咁,個身好熱。突然比琳達挨左個頭埋黎。

"丹尼爾,你覺得我人怎樣?"

"你呀!又溫柔又善解人意,是個標準靚女!"

"係咩,咁你鍾唔鍾意我?" 突然佢個頭挨得更埋,我地面對面,距離愈黎愈短,我望住佢性感既嘴唇,我決定釋放我既情感了,用我的粉唇覆蓋了她的粉唇,她也開始變得主動,和我唇舌交纏。

不知過左幾多分鐘,佢慢慢推開我。佢緩緩咁起身,伸手看似準備拉下整條吊帶裙。"想看嗎?" 她柔柔地問我。我就像沒有呼吸了,另一方面情慾和酒意令我感到很辛苦,現在只想解放自已。

重要時刻到了,比琳達的吊帶裙一剎間掉下來....................

to be continued.......

[ 本帖最後由 JohnTerry 於 2006-2-4  01:41 AM 編輯 ]
 樓主| 發表於 2006-2-4 01:40:31 | 顯示全部樓層
最尾部份係咪太露骨了
如果係我即刻刪左佢
發表於 2006-2-4 01:40:38 | 顯示全部樓層
好快
發表於 2006-2-4 02:36:21 | 顯示全部樓層
要來了
發表於 2006-2-4 08:45:56 | 顯示全部樓層
甜故
發表於 2006-2-4 10:28:31 | 顯示全部樓層
好突然
發表於 2006-2-4 10:40:54 | 顯示全部樓層
原帖由 JohnTerry 於 2006-2-4  01:40 AM 發表
最尾部份係咪太露骨了
如果係我即刻刪左佢

唔夠入肉喎我覺得

寫得細緻d得唔得
發表於 2006-2-4 10:48:13 | 顯示全部樓層
戲肉啦
發表於 2006-2-4 11:06:49 | 顯示全部樓層
終於到最緊張ga一場比賽啦
發表於 2006-2-4 11:56:54 | 顯示全部樓層
原帖由 灰袍聖徒 於 2006-2-4  11:06 發表
終於到最緊張ga一場比賽啦

呢句正
發表於 2006-2-4 13:55:36 | 顯示全部樓層
睇下其實我係男人黎ga
 樓主| 發表於 2006-2-4 16:01:15 | 顯示全部樓層
2005年8月3日
"呀...呀...好正呀!" 我睇唔到任何野,只係好模糊見到一個美女的裸體,不過下身傳來的快感卻非常明顯。突然,我見到一個女仔走近,竟然係係曼徹斯特遇到的那位美女。"你條死色狼!" 佢竟然話我係色狼,唔係呀!

"唔係呀!"我突然驚醒,發現自已此時的我正睡在一張sofa上......

"發....發生左咩野事" 頭腦仲諗緊尋晚發生咩事。我見到牆上有一張海報,著住比堅尼既模特兒對住我微笑著,好美。我忽然驚醒呢張海報我屋企係冇架喎,限住我四周望下..."係啦!呢度係比琳達屋企!"

我搵過成間屋都唔見佢,突然見到餐桌上有d野食,又有一張字條:丹尼爾,呢d早餐俾你食架,如果凍左就拿去焗爐加熱啦!仲有呀,你尋日好冇用呀!未開始就訓著左!"

原來我係重要關頭訓左!天呀!點解你要咁玩我!

我心情都仲未平復,另一股衝擊即刻來到。我部手提電話響起來。

"領隊你去左邊度呀!11點啦!"

"下!原來11點架啦!"

我擰起早餐以飛快速度跑回球場。

2005年8月4日
今日朝早特別早d走,因為唔多想俾比琳達見到我= =

威爾斯前鋒(Iwan Roberts)同意加盟我們成為球員兼教練。而家有三個教練幫手了。

新加盟球員資料
羅拔士(Iwan Roberts) 37歲  威爾斯 ST—典型英式中鋒,速度慢,體能亦只屬一般。不過頭球非常了得和把握力好。

2005年8月7日
社區盾到了,今天特別提早起身準備出發。忽然門鐘響起來,係門口既係比琳達,講真自從果日件事後我有d冇面目見她

"快d準備出發啦!唔係遲到架喇!"

"呀!係...係..." 唉都係盡量唔好望住佢啦。

一路上,我刻意盡量同比琳達保持一段距離。

"喂,你做咩呀?好似好驚我咁既"

"呃........"

"嘿嘿...係咪因為果晚件事呀,放心啦我唔會同人講架喎"

無言,我真正感到羞愧既唔係呢個呀......

"你係咪覺得醜呀!果日咁快訓著左..."

"呃...." 俾佢講中左= =

"哈哈哈,你唔洗介意喎,其實其它男仔都可能訓著啦......"

我都知道呢d係亂講既安慰說話,不過總算心情好番唔小。

幾分鐘後,我們在車站和加利會合,一齊出發去千禧球場了。


"嘩!場面好熱鬧呀!"比琳達雖然是球迷,但是好少入場睇波的,更何況是可以容納咁多人既千禧球場。球場上佈滿車路士和阿仙奴既球迷!此時球場上已有球員在球場上熱身了。

    
"仲有半個鐘先開波,我去買d野食" 加利交低個袋俾我就急急腳走去了。此時我同比琳達用相機去影相啦!

"嘩泰利呀!" 對於標準車迷的我當然重點捕捉車仔球員啦!

"亨利好有型呀!" 旁邊的比琳達大叫。

"亨利有型,唔係呀嘛....."唔單止我,坐係我地則邊d人都詐異,亨利點算有型呀= =

"咁我係覺得佢靚仔嘛" 我差點暈倒了............

"咩事呀?"

"呀冇野呀!"誰知我仲未答佢佢就.......

"雲佩斯呀!俾相機我!" 忘了說,加利可是一個瘋狂阿仙奴球迷。

"今場阿仙奴贏硬車仔!"

"哼!唔係呀!車路士贏!" 我開始還擊了。

"睇下點!"

鬧下鬧下,已經接近開波時間了。這時球場上的司儀擰起手上支咪:

"各位球迷!歡迎黎到千禧球場欣賞05年社區盾,上屆足總盃冠軍阿仙奴將面對對雙料冠軍車路士!而家詠讓我地以熱烈掌聲歡迎雙方球員進場!"

"好!阿仙奴萬歲!"

"車路士萬歲!"

"你地兩個真係........"處於中立方的比琳達無奈的看著身邊兩個已發瘋的傻子。 同時司儀公佈了雙方出場陣容:
阿仙奴(4-4-2):列文; 羅倫, 蘇甘保, 托尼, 艾殊利高爾; 龍格堡, 基拔圖施華, 法比加斯, 皮利斯; 雷耶斯,亨利

車路士(4-3-2-1):施治; 保羅費拉拿, 泰利, 加拿斯, 迪荷奴; 林柏特,馬基利尼,艾辛; 胡禮菲臘斯, 洛賓; 杜奧巴

  

兩班隊員已準備就緒,球證普爾頭齊人數,準備吹雞!

"咇!!"一聲銷子聲,阿仙奴對車路士大場終於展開!

上半場2分鐘,亨利左路發難,傳中雷耶斯被泰利先一步將波踢出底線!阿仙奴開賽第一次角球。

"Go GO GO 阿仙奴!" 加利大叫著

皮利斯開出角球,被施治出迎接實!

上半場7分鐘,法比加斯妙傳亨利,後者射門被施治接實。

上半場13分鐘,龍格堡右路傳俾follow up上既羅倫,後者傳中亨利一頂中柱!! "呀......."球場上的阿仙奴球迷感到一陣失落。

"差d ja" 加利大歎! "激氣呀泰利你做咩呀!"

上半場17分鐘,亨利左路傳中俾入攝既皮利斯,後者既頂球攻門僅僅斜出!

"哈哈睇黎阿仙奴佔盡優勢喎!"

"未完未完!唔好忘記車路士既快擊。"

"呀!!!!!" "咩事呀?" 突然球迷好嘈,加利同丹尼爾睇下原來亨利入左禁區,不過被泰利釘緊。誰知亨利一下後腳,雷耶斯乘機左腳狂轟!

"GOAL!!!" 入球了雷耶斯替阿仙奴領先1比0!

"YEAH!!!!!!!!!!!!!!!!!!!"場上阿仙奴球迷歡呼!

   

"唉發生咩事車仔班後防呀!"

比賽繼續,上半場31分鐘,艾殊利高爾左路傳中,亨利頂後法比加斯勁轟!施治接住!

38分鐘,車路士第一個攻勢,艾辛橫傳林柏特,林柏特放長波俾杜奧巴,後者即刻volley試射,炒到九樓高= =! "噓!!!"呢球波令到一大班阿仙奴球迷狂噓。真係激氣!

44分鐘,雷耶斯後傳旋施華,施華高波去到右邊邊線,羅倫壓贏迪荷奴,龍格堡試射中網則。

上半場結束。上半場完全是阿仙奴的天下。

"哈哈哈丹尼爾,睇黎我地贏梗啦!"

"仲有半場,唔好忘記摩連奴既戰術了得,一定可以應負呢個場面。"

"真係好精彩呀!"這是中立者比琳達的半場意見。

"車路士情況唔太好喎,有冇問題架?"比琳達擔心地問我。

"放心!我相信摩連奴一定應付到。

下半場開波!

4分鐘,亨利係中場靠左控定個波,睇定位置長傳右路,入攝龍格堡壓過迪荷奴同施治單對單,但前者非常醒目傳番中路俾雷耶斯!雷耶斯面對空門....

"2比0啦!"在場球迷大叫!

to be continued......

[ 本帖最後由 JohnTerry 於 2006-2-4  05:01 PM 編輯 ]
發表於 2006-2-4 17:11:00 | 顯示全部樓層
雖然我都試過中途瞓著
但係係前戲階段就瞓左都真係經典
發表於 2006-2-4 17:18:14 | 顯示全部樓層
正!!
加呢d野先正常嘛
 樓主| 發表於 2006-2-4 17:26:49 | 顯示全部樓層
原帖由 古都 於 2006-2-4  05:18 PM 發表
正!!
加呢d野先正常嘛

你講咩野先
 樓主| 發表於 2006-2-4 17:52:14 | 顯示全部樓層
下半場開波!

4分鐘,亨利係中場靠左控定個波,睇定位置長傳右路,入攝龍格堡壓過迪荷奴同施治單對單,但前者非常醒目傳番中路俾雷耶斯!雷耶斯面對空門....

"2比0啦!"在場球迷大叫!

誰知泰利竟然護空門成功,車路士仍然落後一球。

"激氣!" "做得好!隊長!"

11分鐘,摩連奴見形勢唔好決定作兩個調動,基斯普入替馬基利尼、杜夫入替胡禮菲臘斯。

16分鐘,杜夫左路傳中,蘇甘保頂走,林柏特順勢勁BAND! 列文撲出,基斯普!1比1!車路士追平!

"基斯普好波!" "哼!阿仙奴一定可以再領先。

球場上而家另一番景象,藍色的球迷而家變得特別興奮!摩連奴既變陣又再次成功!




19分鐘,阿仙奴作出調動,柏金入替雷耶斯。  

21分鐘,阿仙奴策動進攻,皮利斯橫傳中路柏金,柏金控定個波,傳出一個致命直線俾龍格堡,龍格堡再次單對單,不過佢今次選擇射,俾施治拍出!迪荷奴解圍。

"龍格堡真係好大威脅,迪荷奴完全睇唔住佢"

25分鐘,加拿斯搶贏亨利控球,前者長傳右路洛賓,洛賓即時比前,基斯普突破越位!同列文單對單!

"入呀!"  "頂住呀列文!"

基斯普用左腳試射!2比1!車路士反超前! " YEAH!"  "SHIT!"



   

"好型呀摩連奴!"  "死寸王!"

哈哈哈,車路士反超前了。不過估唔到開心只係五分鐘。

28分鐘,阿仙奴調動,雲佩斯入替皮利斯。

30分鐘,柏金交俾入替的雲佩斯,雲佩斯輕易扭過保羅費拉拿,離門30碼,雲佩斯決定左腳勁射。係大部份球迷都覺得咁做不致下,球波竟然直飛死角入網!

"好野雲佩斯!""世界波呀!"就算連我都不得不讚歎呢個入球,好靚。



唉!成場波又要從頭再來了。36分鐘,林柏特接應杜奧巴橫傳撞射高出!

40分鐘,艾辛長傳右路洛賓,後者成功扭過艾殊利高爾傳中,托尼頂出不遠,杜夫左路K角位控定個波,突然出現突發性情況,羅倫竟然跌低左,杜夫見勢壓入禁區,傳交杜奧巴,後者勁射!  "入呀!"  "唔好呀!"

加利既願望落去了,球越過列文的右手,入網了!"YES!" "激氣!阿仙奴沖呀!"

   

入球後,雙方都作出調動,阿仙奴方面,艾比爾入替法比加斯。車路士方面,侯夫入替杜奧巴。

"SHIT!摩連奴又用死守戰術!"  "贏到就得喇!"

"係囉,你恨唔到架喇,Weymouth領隊加利希爾先生!"比琳達又黎玩挑釁啦=.=

"你個臭婆娘收聲啦!"

"大家算啦= =.........專心睇波啦"

44分鐘,柏金傳俾左路雲佩斯?後者傳中亨利頂斜......這時第四球證雲尼舉牌:補3分鐘

補時2分鐘,阿記作出最後一次進攻,蘇甘保長傳,亨利頂贏泰利,艾比爾入攝成功!後者射門! "入呀!"

可惜施治先救到再中楣,但係攻勢未完,仲有龍格堡去執雞!迪荷奴已經去爭頂,但睇個勢龍格堡會頂到!施治似乎都趕唔切補位!

"費迪要入呀!"在場所有阿仙奴球迷大叫!

to be continued......

[ 本帖最後由 JohnTerry 於 2006-2-4  05:55 PM 編輯 ]
 樓主| 發表於 2006-2-4 21:03:59 | 顯示全部樓層
"3比3!"龍格堡成功頂入空門!"好波!龍格堡!"  "激氣呀!"

阿仙奴球迷開始興祝,不過旁證d旗突然舉起左,球證普爾去理解情況。

"咩事呀"突然普爾吹雞,原來旁證覺得龍格堡推人,所以被判犯規,入球變炸糊。

"有冇搞錯呀!"阿仙奴球員走向普爾表達不滿,整千禧球場噓聲滿天。"普爾分明收左錢啦!" 加利發洩!講真,就連我都覺得咁吹太嚴,總算執番身彩。= =+

"咇!"完場了,車路士奪得了05年社區盾!

"YES!"贏左啦!  "激氣呀!"

賽後車路士舉行了興祝party,我當然留低歡呼啦,比琳達都留低,不過加利就走左了。 "我去門口等你地。" 哈哈哈,佢當然唔想睇到呢個情景啦!

非常高興的一天!





Arsenal (4-4-2): Lehmann; Lauren, Campbell, Toure, Cole; Ljungberg, Silva, Fabregas(Abeyie85", Pires(Van Persie 73"; Reyes(Bergkamp 64", Henry

Chelsea(4-3-2-1) Cech; Ferriera, Terry, Gallas, Del Horno; Essien, Makelele(Crespo 56", Lampard; Wright-Phillips(Duff 56", Robben; Drogba(Huth 85"

Final Score : Arsenal 2-3 Chelsea
MoM : Freddie Ljungberg

"Blue is the colour! Football is the game!"

"喂知你贏左啦!唔洗咁呀!"加利大表不滿。

"哈哈哈!對唔住呀!" 我雖然同佢講對唔住不過我呢種嘻笑語氣反而仲令人覺得討厭。

"你恨唔到架喇,Weymouth領隊加利希爾先生。"

"你個臭婆娘..........." 又黎喇= =

"兩位唔好嘈啦!"

"哼!算數!我去曉高間餐廳發洩下先!"

"曉高!?" 曉高(Hugo Selpisro)係我地係英格蘭足總教練訓練班時識既朋友,佢係葡萄牙人黎,仲好靚仔tim。不過因為成績唔好所以放棄做領隊,決定繼承父業。

"佢阿爸原來開餐廳架= ="

"係呀!仲係好出名果間黃金飯碗餐廳(Golden Rice Bowl)。我都係岩岩經過果度先知道。佢就好,係名牌餐廳既大少爺......."

"估唔到...........咁我可唔可以跟埋去呀,我都好掛住曉高佢。"原來我地有個咁猛料既朋友= =。

"唉,好啦!"

"我都想去呀!"比琳達渴求著。

"你呢個婆娘唔去得!"

"你講咩話!"唉呀兩個又黎啦= =

"算啦!俾埋佢去啦,當介紹多個客人俾曉高囉。"

加利雖然心有不悅,不過念在近況之下都唔出聲。

行左一陣,終於到左目的地。


一入到去,一個眉青目秀的美男子見到我地就即刻撲過黎!

"丹尼爾,好耐冇見喇!" 我同佢先黎個抱,然後傾左好來。佢突然發現我身後的女子。

"呢個女仔係........."

"我叫比琳達.積斯,請多多指教。"

"原來是比琳達小姐。請多多指教。"

"唔好講住啦,搵個位坐低先啦.." 曉高搵左全餐廳最好既位置。

"哈,估唔到你原來係有錢大少爺!"

"唔好笑我啦!"

"曉高先生,請問你可唔可以同我地影張相。"係我地傾傾下既時候,突然有兩個女仔過黎搵曉高。

"可以呀!" 曉高有禮地回答他  "呀!太好了!"  兩個女仔驚叫。唉,人生得靚真好,聽加利講,有唔少女顧客黎呢度目的都只係想見曉高佢。佢就好啦,咁多女仔要,我好肯定佢一定令所有男仔妒忌!

"呼真係煩人!"

"你唔係呀嘛!我地男仔不知幾想呀!真係....."加利不滿道。

"哈哈哈!唔好笑我啦,你地都應該有女啦!呢位靚女唔係咩?"佢手指向比琳達。

"哼我邊可能係呢個臭婆娘男友!"

"我冇男朋友架,不過之後就難講了。"

"你都會有男仔追,果男仔肯............."加利突然停住了,好似突然諗通左d野,然後用曖昧眼神望住我。眼神好似係度講:"死小子,原來已經抱得美人歸啦。" 哇靠!唔好咁望住我。

曉高似乎都睇得明加利既意思,然後附和著。"哈哈哈,原來丹尼爾同呢位比琳達小姐............" 兩人大笑,我地兩個臉紅的低著頭。

之後,佢地兩個完全唔放開呢個話題,仲問埋d敏感題。好似我地兩個有冇"親密接觸"之類。大哥,我仲係處男黎架(雖然差d就破......)。不過出奇係比琳達居然冇出聲反抗,好似好享受佢地咁講。

臨走時,加利仲特登低聲同我講:"你地結婚一定要請我去婚禮呀!"然後賊笑地離開。真是該死的傢伙!

因為之前佢地兩個咁搞,所以當我同比琳達返屋企既路上,氣氛好怪,我地兩個都唔感同對方講野。到門口時,我同佢都沉默了一會,本來我諗住同盡快離開的,點知比琳達突然叫停我。

"丹尼爾!"佢突然叫我,我有d驚。

"咩...咩事?"

"得唔得閒黎我屋企坐坐?"

"呀,唔啦!我仲有事做............."

我想即刻走,點知佢突然捉住我隻手。

"黎啦!你唔想做番上次你未"做"果件事咩?" 佢柔情地問我。我見佢而家通紅的臉的真係好可愛,加埋佢果句挑說話,我點可能頂得順。所以我即刻攪住佢!"你個壞蛋!只係諗埋d咁既野,入去啦!"

結果我們一邊擁吻一邊入左佢屋企。

to be continued......

[ 本帖最後由 JohnTerry 於 2006-2-4  09:07 PM 編輯 ]
 樓主| 發表於 2006-2-4 21:13:44 | 顯示全部樓層
想大家講講
阿仙奴對車路士果場賽果我係跟saving寫架ja
請阿記球迷見諒(天音:鬼有人信你  我:千真萬確架= =)


究竟我地個深情男主角今次會唔會"破處"成功呢?定係又好似上次咁臨埋門果腳撻Q呢

[ 本帖最後由 JohnTerry 於 2006-2-4  09:15 PM 編輯 ]
發表於 2006-2-4 21:54:09 | 顯示全部樓層
好事一定多磨

我唔信今次咁順利
您需要登錄後才可以回帖 登錄 | 會員申請

本版積分規則

小黑屋|手機版|Archiver|HKCM

GMT+8, 2022-12-5 02:33 , Processed in 0.047063 second(s), 14 queries .

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表