|
大家覺得點?(美心,大家樂,大快活)
早餐:
三間在價錢同選擇也是差不多,所以只有質素去比較。同樣加粉面大約$20送飲品。
大快活higly recommand,雞排煎雙蛋+五香肉丁米 係我最愛,份量足夠。蘿蔔糕會係三間中最好食。味道也是最好。
大家樂也是和大快活差不多,粉面類型不同各有所好(魚條面),蘿蔔糕無大快活咁結實,佢的炒蛋幾好食,而佢炸方面(魚,豬排)會香口過其他兩間。
美心就無謂去,間間水準可能有差別,但我去過三間,三間都係差。樣樣野都係少過人,蛋佢係用細蛋,而且不論炒,煎(太陽/熟)都係唔好食。雞排佢煎到硬左的!蘿蔔糕超細同埋佢蒸過黎的!超難食。
午餐/全日供應:
三間各有所長,選擇也是差不多(但類型有少少分別),價錢會在$20-30間。
美心方面,明爐燒味最出名同埋最好食,其他兩間接近佢水準既機會都無,六寶飯正!但就係只限呢樣!佢中式菜都叫不過不失無咩特別,但係其他個d日式大婉飯,咖哩個d都係唔好食的。飲品方面...佢最街街,汽水淡如水,特飲又係唔好飲。
而大家樂最出名係咩?焗豬排飯....無錯佢會好過兩間但唔會好好多,但我都係覺得唔好食/唔太好。仲有d咩? 佢都好鍾意出新野,三文魚飯之類。話時話,佢既紅豆冰係最好飲,同埋所有特飲最好的! 硬要講既...其他個d食物(唔計介紹個d)佢會比較好dd
大快活,um...上海排骨菜飯一定要食,係超正!中式菜佢最好! 而咖哩方面佢做得最好同最好食,有好多選擇,同埋可以叫特辣。肉醬意粉也是較好的一間。其他就無咩點試同性趣不大。飲品方面無咩特別。
下午茶:
三間當中,分別差距真係好大......
美心係最好的,選擇超級的多,而且又係好食,起小食方面係最好的。炸雞鎚加炸魚柳 + 蜜汁雞翼最正 $18定19,公司三文治+薯條$19,美國大熱狗,"玩仔次"加各式各樣小食如焗薯青口等。有好多唔同配合。之後有咖哩豬皮魚蛋正。仲有中式既,燒鴨瀨粉又係正! 但我想講,佢唔知上年定前年無左個最正最正最正既餐: 薯條+雞鎚+美國大腸+雞全翼連飲品$19.5 !!個時他媽的失望,因為係我既指定餐黎的!
大快活就不過不失,有豬排包、栗米粒、雞脾等,味道一般(呢樣係三間中最唔好)。選擇最少(你見到好似好多,....但其實樣樣差唔多...)
大家樂最街街喇,一個字: 小!! 當然係指份量。我叫咖哩豬皮魚蛋蘿蔔仲有樣唔知咩,佢可以係每樣一件!!頂佢個X ,連飲品收我$20我一分鐘內可以食完佢羅!仲有其他,人地有唔同配搭加埋先$20,佢唔係既,個一兩樣少少就$20落袋,女人都覺得少喇! d味道你話會升仙就話姐,我唔覺得有咩特別。
晚餐:
老實說....我接觸佢既機會不大....但都叫食過下(因為我樓下有美心和大家樂)。將平日既食物升到$30,同埋平均$30-40,出去食既....呢個價,當然晚市叫好平,但有好多其他選擇羅..
大家樂,老實說...我每次自己夜晚買飯食行去睇完....都會走落去M記買個餐算....,唔係味道問題....係我睇唔中有咩合我口味。
美心,同樣係明爐燒味吧。佢鐵板餐三間中最好....都係個句....有好多其他選擇~
大快活........我只食咖哩飯.............
所以其實晚市同平時個d冇咩分別....只係加左你價.......
好似打邊爐個d 季節性食物就唔講了。 |
|